اروع فطائر مالحة بعجين المسمن السحري في المقلاة بلا خميرة بلا زبدة بلا دلك حشوة اقتصادية بلا لحوم بطريقة مختصرة سهلة
- 500 غ دقيق
- ملعقة صغيرة ملح
- ملعقة كبيرة زيت
- ماء لجمع العجين الكمية كاسين تاي صغيرين كما هو موضح في الصور اسفل الشرح
حشوة الفطائر:
- حبة بصل كبيرة او حبتين صغار تقطعيهم قطع صغار
- فلفل ألوان تحبو تديرو فلفل حار او طرشي اختياري يقطع لقطع صغيرة
- حبة طماطم كبيرة تقدري تميزي بعينيك كمية نتاعها وتقطع ايضا لقطع صغيرة
- توابل :
- كمون - فلفل أحمر - كركم - القليل من بودرة الثوم مع ملح وفلفل أسود
- ملعقة كبيرة بقدونس
- ملعقة كبيرة زيت
- ملعقة صغيرة صلصة الحار
- علبة طونا صغيرة
- جبن يزيد من شهية الفطيرة ويبقى وضعه اختياري
- القليل من الزيت لتوريق
طريقة التحضير بالتفاصيل مكتوبة :
- اولا نحطو 500 غ من دقيق الابيض ونضيف ليه ملعقة صغيرة من الملح و ملعقة كبيرة من زيت المائدةوبعد ذالك نضيفو كاس ديال اتاي من الماء للدقيق ونبداو نخلطو العجينة و نضيفو لكائس الثاني غير بالشويونخلطو حتى تحكم روحها ونحتحصلو على العجينة وبعد ما نتحصلو على العجينة على شكل كرة نغطيوها بالبلاستيك منخلوش لهواء يدخل ليها ونخلوها حوالي نص ساعة حتى تطلع مليح .
- وبعد ذالك نرجعو للحشوة نتاع فطائر اولا حبة كبيرة من البصل او حبتين صغار نقطعوهم مربعات صغار و وايضا نضيف الفلفل الوان نقطعوهم مربعات صغار و كذالك بالنسبة للطماطم بنفس الكمية ونقطعوها مربعات نضيفولها القليل من الملح و ملعقة صغيرة من زيت زيتون ونطبخون على نار هادئة باه تطيب مليح وتتطلق مليح وبعدها نضيفو ليها ملعقة صغيرة من الفلفل اسود ونحركوها مليح باه تمتزج مليح حتى يصبح لون البصل شفاف ونحركوها كل مرة باه متلصقش في الاناء ومن بعد منتحصلو عليها بهذا الشكل نحركوها شويا ونضيفو ليها هاذو توابل نصف ملعقة كبيرة من فلفل الاحمر و ربع ملعقة من الزنجابيل وربع ملعقة كبيرة من الكركم و نصف ملعقة من المكون و القليل من بودرة الثوم وبالنسبة للثوم يمكن انكم تعوضوها بالثوم الطري ونضيفو البفدونس حوالي ملعقة مقطعة الى قطع صغيرة وبعد ذالك نضيفو ليها باطة انتاع تونة نتاع زيت وهذا يبقى اختياري قادرين تديرو ايي نوع من اللحوم حسب الامكانيات الي عندكم وبعد ذالك ترحيوه بالملعقة الى تخلطي بيها تخليه يمتزج مليح مع الحشوة ونخلطوها مليح وبعد ذالك نشيفو ليها ملعقة صغيرة نتاع صلصة حارة وبعد متوجد الحشوة نحيوها نخلوها تبرد شوي مش تبرد على الاخر المهم تبقى دافية.
- وبعد ذالك نرجع للعجينة نتاعنا كيما اكم تشوفو في صورة اسفل كيفاه ولات طلقت وحكمت روحها مليح نقطعوها لكريات صغيرة على حسب حجم الفطائر اولا ندهنو يدينا بقليل من الزيت و كذالك سطح العمل ونفرغو العجينة على سطح العمل وندهنو يدينا بقليل من الزيت و نبداو نقطعو لعجينة لقطع صغيرة على حسب حجم المقلات الي ندير فيه فطيرة و بعد منقطعوهم نحطوهم في سنيا ونغطوهم بلبلاستيك باه متنشفش لعجينة و ناخذو المقلات و نقطعو ورق نتاع زبدا مش شرط يمكن تخدمو بلا ورق زبدا ونبداو بعدها نفتحو لعجينة على حجم المقلات وبعد منفتحوها ندهنو لمقلات بزيت باه متلصقلاناش تحم روحه شوي نبدا نحطو القليل من الفريت و وفوقها حشوة لي خدمناها و فوقها نحطو فرماج موزريلا وفرماج يبقى اختاري اذا معندكمش مزريلا ونسكرو فطيرة عليهم على شكر مربع ونخليوها تطيب ونقلبوها مليح نحمروها على جميع جيهات وبعد ذالك بعد متحمار يمكنكم تقديمها وكذالك بالنسبة للكمية الاخرى تكملو على نفس طريقة المذكورة و ستجدون كل ذالك موضح في صور اسفل الشرح حيث يجوكم مقرمشين وهايلين
طريقة عمل العجين وتحضيرها بالصور:
طريقة عمل الحشوة و تحضيها بالصور:
طريقة فتح العجين و حشوها :
نتمنى تكون عجبتكم الوصفة ونتمنى تتركولي ارائكم في التعليقات وشهية طيبة ♥
تعليقات
إرسال تعليق