كرام ديسار شكولا رائع بنصف لتر حليب بدون بيض وبدون قوالب وبمقادير بسيطة موجودة في كل بيت تحلية رمضانية سريعة
المقادير مكتوبة بالتفاصيل :
الجزء الأول :
السلام عليكم ورحمة الله اليوم ومعكم في وصفة جديدة جيتكم بتحلية بسيطة راقية و اقتصادية وهاذا ديسار نتاع اليوم ان شاء الله رائع نتنالكم تجربوه قبل رمضان باش تعتمدوه في رمضان يدخل علينا و عليكم بالصحة و الهناء لا فاقدين ولا مفقودين اخواتي تبعوني برك في الخطوات لانها بسيطة وسهلة لاكنها لازملها علوامل صغار باش تنجحلكم تبعو الموضوع للاخير نتمنى اذا اول مرة تدخلو للمدونة تشتركو فيها باه يوصلكم كل جديد
بسم الله على بركة الله جبنا الان كسرونا متلصقش وتكون ثقيلة نحطو فيها نصف لتر من الحليب بنفس درجة حرارة الغرفة ونضيفو ملعقتين كبار من النشاء نصفيوهم بصفاية و نضيفو ملعقتين كبار من الكاكاو المر الغير المحلى ونصفيوه ايضا مليح ونضيفو 50 غ من الفلون ذوق كرامال تحبو تديرو شكولا ايضا يجي رائع وبعد ذالك نضيفو 4 ملاعق و نصف من السكر ونحركو المكونات مليح مع بعض باه تطلعلنا لكريمة و بعدها نحطوها فوق النار ونخدم لكريمة نتاعي كيما مالفين نخدمو ايي كريمة ونخلطوها مليح ولا ننسى الحوافي باه متتحرقش وتعطيلنا ذوق مر حتى تصبح لكريمة نتاعنا ثقيلة على درجة الحرارة متوسطة ونخلطوها بطريقة مستمرة و سريعة وكي يبدى لكرام يدير الفقاعات نضيفولها ملعقة كبيرة من الزبدة ونخلطوها مليح مثل ما هو موضح في صور اسفل الموضوع وبعد الخلط الجيد بعد اضافة الزبدة نضيفو 6 قطع من الشكولا ونذوبوها مليح داخل الخليط حيث انها تعطي ذوق رائعة للكريمة و بعد متذوب نطفيو نار عليها
الجزء الثاني :
بما انو معدناش القوالب عندنا غير فناجيل نشمخوهم مليح ونشفوهم نخليوهم ناديين وبما انو عندنا احنا حبة موز نقطعوه على 4 ونحط كل جزء في فنجال وبعدها نفرغو عليهم الكريمة و هيا سخونة حتى نغطو القطعة نتاع الموز لي حطينها وكذالك بالنسبة لباقي الفناجيل و الكمية ونخبطوهم مليح باه تستوي طبقة من الفوق و بعدها نغطيوهم بال بابي سيلوفان ونخلوهم من مدة 4 ساعات الى 6 ساعات و من الافضل 6 ساعات لكي تستوي جيدا باه تعطيلي نتيجة افضل و شكل رائع
الجزء الثالث:
بعد مخليناهم 6 سوايع نحيو بابي سيلوفان ونجيبو موس ونبداو نفتحو في الحوافي مثل ما هو موضح في صور ونجيبو لي سو طال صحون صغيرة وبعد مهويناهم مليح بالموس على حوافي الفنجال نقلبوهم في الصحن الغير ويطلعلكم الشكل كيف ما راكم تشوفو ونكملو باقي الفناجيل وباقي الكيمة ولما تلسقلكم هاذاك شي عادي حركوها من الفوق بصباعتيكم وبعدها دخلو موس على حوافي فنجال باه يدخل لهوا ونقلبوهم في صحون وفي الاخير بعد منقلبوهم كامل نديرولهم توبينق كرامال ويبقى التزيين اختياري تحبو تديرولها مكسرات وهي شهية بزاف وخصوصا في رمضان حيث انها متجيش ثقيلة و لا تخليك تتقهم
نتمنى تجربوها و تكون الوصفة عجبتكم ورمضان مبارك علينا و عليكم
لاتنسو تخلولنا تعليقاتكم وتشاركو الوصفة مع اهليكم و صحباتكم وشهية طيبة
طريقة التحضير بالصور و بأدق التفاصيل :
مزيد من المواضيع :
المقادير مكتوبة بالتفاصيل :
- نصف لتر حليب
- زوج ملاعق نشاء مغربلة
- زوج مغارف كاكاو اسود او بني مغربل
- علبة فلان شكولا او كراميل 50غ
- 4ملاعق ونصف سكر احرش
- نخلطو الكل والكل فوق نار مع خلط حتى تثقل
- ملعقة كبيرة زبدة طرية
- خلط 6قطع شكولا او شكولا طلي ثم نطفي نار
- فناجيل تكون مندية ندير في وسطها نصف موزة ثم نفرغ شكولا ونخبطوها ثم ندير ورق سيلوفان فوقهم يلمس كريمة ونخليها تبرد6ساعات
- نقلعوها بإعتماد على سكين نزينوها بخطوط كراميل
الجزء الأول :
السلام عليكم ورحمة الله اليوم ومعكم في وصفة جديدة جيتكم بتحلية بسيطة راقية و اقتصادية وهاذا ديسار نتاع اليوم ان شاء الله رائع نتنالكم تجربوه قبل رمضان باش تعتمدوه في رمضان يدخل علينا و عليكم بالصحة و الهناء لا فاقدين ولا مفقودين اخواتي تبعوني برك في الخطوات لانها بسيطة وسهلة لاكنها لازملها علوامل صغار باش تنجحلكم تبعو الموضوع للاخير نتمنى اذا اول مرة تدخلو للمدونة تشتركو فيها باه يوصلكم كل جديد
بسم الله على بركة الله جبنا الان كسرونا متلصقش وتكون ثقيلة نحطو فيها نصف لتر من الحليب بنفس درجة حرارة الغرفة ونضيفو ملعقتين كبار من النشاء نصفيوهم بصفاية و نضيفو ملعقتين كبار من الكاكاو المر الغير المحلى ونصفيوه ايضا مليح ونضيفو 50 غ من الفلون ذوق كرامال تحبو تديرو شكولا ايضا يجي رائع وبعد ذالك نضيفو 4 ملاعق و نصف من السكر ونحركو المكونات مليح مع بعض باه تطلعلنا لكريمة و بعدها نحطوها فوق النار ونخدم لكريمة نتاعي كيما مالفين نخدمو ايي كريمة ونخلطوها مليح ولا ننسى الحوافي باه متتحرقش وتعطيلنا ذوق مر حتى تصبح لكريمة نتاعنا ثقيلة على درجة الحرارة متوسطة ونخلطوها بطريقة مستمرة و سريعة وكي يبدى لكرام يدير الفقاعات نضيفولها ملعقة كبيرة من الزبدة ونخلطوها مليح مثل ما هو موضح في صور اسفل الموضوع وبعد الخلط الجيد بعد اضافة الزبدة نضيفو 6 قطع من الشكولا ونذوبوها مليح داخل الخليط حيث انها تعطي ذوق رائعة للكريمة و بعد متذوب نطفيو نار عليها
الجزء الثاني :
بما انو معدناش القوالب عندنا غير فناجيل نشمخوهم مليح ونشفوهم نخليوهم ناديين وبما انو عندنا احنا حبة موز نقطعوه على 4 ونحط كل جزء في فنجال وبعدها نفرغو عليهم الكريمة و هيا سخونة حتى نغطو القطعة نتاع الموز لي حطينها وكذالك بالنسبة لباقي الفناجيل و الكمية ونخبطوهم مليح باه تستوي طبقة من الفوق و بعدها نغطيوهم بال بابي سيلوفان ونخلوهم من مدة 4 ساعات الى 6 ساعات و من الافضل 6 ساعات لكي تستوي جيدا باه تعطيلي نتيجة افضل و شكل رائع
الجزء الثالث:
بعد مخليناهم 6 سوايع نحيو بابي سيلوفان ونجيبو موس ونبداو نفتحو في الحوافي مثل ما هو موضح في صور ونجيبو لي سو طال صحون صغيرة وبعد مهويناهم مليح بالموس على حوافي الفنجال نقلبوهم في الصحن الغير ويطلعلكم الشكل كيف ما راكم تشوفو ونكملو باقي الفناجيل وباقي الكيمة ولما تلسقلكم هاذاك شي عادي حركوها من الفوق بصباعتيكم وبعدها دخلو موس على حوافي فنجال باه يدخل لهوا ونقلبوهم في صحون وفي الاخير بعد منقلبوهم كامل نديرولهم توبينق كرامال ويبقى التزيين اختياري تحبو تديرولها مكسرات وهي شهية بزاف وخصوصا في رمضان حيث انها متجيش ثقيلة و لا تخليك تتقهم
نتمنى تجربوها و تكون الوصفة عجبتكم ورمضان مبارك علينا و عليكم
لاتنسو تخلولنا تعليقاتكم وتشاركو الوصفة مع اهليكم و صحباتكم وشهية طيبة
طريقة التحضير بالصور و بأدق التفاصيل :
مزيد من المواضيع :
تعليقات
إرسال تعليق