بيتزا رائعة بدون فرن واقتصادية وغير مكلفة وسهلة وبذوق رائع طيبيها لولادك خصوصا في الوقت الي احنا فيه في الحجر الصحي
مقاديرالعجينة السائلة :
- 2 بيضات
- 6 مقارف كبار نتاع زيت
- 6 مقارف كبار انتاع حليب
- 1 باطة خميرة كيميائية
- حوالي 8 مقارف فرينة
- قرصة فلفل اسود
- قرصة من الملح
مقاديرصلصة البيتزا :
- 2 سنات ثوم مكرفشين "اي مطحونين جيدا"
- نصف ملعة كبيرة من الطماطم المصبرة
- زوج حبات طماطم مكرفشين"اي مطحونين جيدا"
- قرصة من الملح
- قرصة من الفلفل الاسود
- باطة تونة نتاع زيت
- و القليل من الفرماج المبشور
- و القليل من الزيتون الاسود
السلام عليكم حبيباتي متتبعات مدونة انيسة كوك مرحبا بيكم معنا اليوم في وصفة جديدة حبيت نشاركها معاكم وناجة 100/100 اولا وبعد بسم الله بما انو عندنا المقادير التالية حبتين من البيض و ستى مقارف كبار من الزيت و ستى مقارف من الحليب و باطة خميرة كيميائية و حوالي 8 مغارف كبار من الفرينة و الفلفل الاسود وكذالك الملح وبالنسبة للصلصة نحتاج فقط 2 سنات ثوم مكرفشين "اي مطحونين جيدا" و نصف ملعة كبيرة من الطماطم المصبرة وزوج حبات طماطم مكرفشين"اي مطحونين جيدا" و قرصة من الملح و قرصة من الفلفل الاسود و باطة تونة نتاع زيت و القليل من الفرماج المبشور و القليل من الزيتون الاسود
طريقة تحضير عجينة السائلة للبيتزا بدون فرن :
اولا نجيبو صحن نكب فيه زوج بيضات ونزيد عله حليب و الزيت و نزيد القليل من الملح و الفلفل الاسود ونخلطوهم مليح وبعدها نضيفو 8 ملاعق كبيرة من الفرينة و باطة من الخميرة الكميائية ونخلطوهم مليح حيث تصبح عجينة سائلة ولكن اذا كانت العجينة سائلة كثيرة يمكننا اضافة ملعقة كبيرة او اثنين اضافتين من الفرينة .
طريقة تحضير الصلصة الخاص بالبيتزا :
نديرو زوج سنات ثوم ونكرفشوهم مليح اي نقوم بطحنهم جيداا ونزيدو نضيفو ليها نصف ملعقة كبيرة من الطماطم المصبرة ونقوم بقليهم و بعد ذالك نزيدو زوج حبات طماطم مكرفشين اي نقوم بطحنهم جيدا و نزيدولها قرصة من الفلفل الاسود و قرصة من الملح ونشريو باطة تونة نتاع زيت و فرماج ايي نوع متوفر من الافضل الفرماج المبشور .
طريقة عمل البيزا بعد تحضير العجينة السائلة و الصلصة بدون فور :
نجيبو مقلات ندهنوها بزيت او بزبدة وهاذا شيئ يبقى اختياري حسب ما توفر عندكم في البيت نترك المقلات تسخن جيدا وبعد ذالك نسكب العجينة السائلة في المقلات ونمشيوها على سطح المقلات كامل لكي تصبح على شكل فطيرة او تكون رقيقة وبعدها مباشرة نضع او نسكب الصلصة فوقها نضع التونة ونمشيها فوق كامل العجينة لي سكبناها وفي الاخير نضع الفرماج المبشور و القليل من الزيتون الاسود.
وبعد ذالك تصبح لدينا بيتزا منزلية بدون فرن وبذوق رائع وبدون تكلفة او جهد ويمكنكم عمل العديد حيث تصبح كمية المقادير مضاعفة و في الاخير نقوللكم شهية طيبة و صحة و عافية ليكم
وان شاء الله ربي يرفد علينا هاذا الوباء وترجع حياتنا مثل ما كانت و افضل ونتمنالكم رمضان مبارك
يمكنكم تجربة العديد من الوصفات :
- اعجني خبزك في دارك بعجينة ال10د الرائع ، جربيه مراحش تستغناي عليه
- حبيتي تديري حاجة حلوة و وعندك مقادير قليلة و غير في المقلة معليك غير بالوصفة هاذي
- كيكة باردة بدون فرن وبدون كريمة وبدون بيض في 10 دقائق سهلة وقمة في الروعة
- اروع فطائر مالحة بعجين المسمن السحري في المقلاة بلا خميرة بلا زبدة بلا دلك حشوة اقتصادية بلا لحوم
- كرام ديسار شكولا رائع بنصف لتر حليب بدون بيض وبدون قوالب وبمقادير بسيطة موجودة في كل بيت تحلية رمضانية سريعة
تعليقات
إرسال تعليق