طريقة عمل ميل فاي مثل الحانوت او افضل منه

المكونات او المقادير لي تحتاجيها في العجينة المورقة :

- 250 غ زبده عاديه تاع الورق
- 250 غ فرينه اي كأسين
- القليل من الملح

المكونات او المقادير لي تحتاجيها في كرام باتيسري :

- نص ليترا لحليب
- 3 ملاعق كبار سكر
- 3 ملاعق ونص نشا
- ولافاني
- لفوندو

طريقة تحضير العجينة المورقة :

خدمتها بعجينه مورقه وعجينه مورقه خدمتها بلا زبده التوريق
خدمتها بزبده لي تتباع في بابي اي في( ورق)

العجينه مورقه وش فيها ..
250 غ زبده عاديه تاع الورق لازم نتاع ورق ( متصلحش بزبده لي في باطه )
250 غ فرينه اي كأسين
نقطع زبده مربعات صغيره وتكون زبده بارده
ونخلطها مع الفرينه ورشه نتاع ملح
ونلم العجينه بلا ما نذوب الزبده نجمعها فقط بعدها نطويها علا اربعه اي مع جميع نواحي كيماولمسمن ونحطها في لفريجيدار مده ساعه
بعدها نجبدها من لفريجيدار ونفتحها بالاستعانه بفرينه نفتحها مليح ونعاود نطويها علا اربعه ونرجع ندخلها لفريجيدار مده ساعه
نعاود هذي عمليه ثلاثه مرات
وبعدها مباشره تصبح عجينه مورقه نتاعك جاهزه

ملاحظه .... (لازم زبده لي تتباع في بابي متصلحش بزبده لي تتباع في لباطه )

ان شاااااااء الله تكونو فهمتوني 😊😊

مهم

كي طيبيها عجينه مورقه اقسميها علا 3
كيما بعثتلكم في فوتو
تحطي طبقه اولي وتحطي لكريمه تزيدي ثانيه وتحطي لكريمه وتحطي طبقه ثالثه

طريقة تحضير كرام باتيسري :

كرام باتيسري ..
• فيها نص ليترا لحليب
• 3 م ك سكر
• 3 م ونص نشا
•ولافاني
وتحطيها فوق نار ونخلطها مليح ونخليها حتى تغلي ونطفى نار نزيدلها مغرف زبده ومغرف لافاني وتخطيه بساشي وتحطيه في لفريجيدار يبرد لازم تغطيه باه ميدلكش ذيك قشره من فوق
• لفوندو
حوالي كاس سكر قلاصي وربع كاس حليب يعنى تخلطي وتشوفي ملازمش يعود خليط نتاعك جاري لازم شوي ثقيل وتزيدلو مغرف لافاني
وتحطيه لفوق طبقه ثالثه
وخلي شويه من فوندو وزيديلو كاكاو واعمليلي خطوط ومبعد جيبي عود واعملي هذاك شكل نتاع ميل فاي